Xornadas Formativas en Prevención de Drogodependencias
Publicado por Chísem o 15 Dec 2011
Durante os días 15 e 16 de Decembro tiveron lugar as "Xornadas Formativas en Prevención de Drogodependencias", organizadas polo Consello da Xuventude de Galicia na sede da EGAP en Santiago de Compostela. A Asociación Chísem encargouse de impartir esta actividade, sendo os obxectivos destas xornadas:
-Promover a visión crítica da realidade, dos costumes e dos hábitos sociais relacionados cos usos e consumos de drogas.
- Identificar falsas crenzas sobre as drogas e os efectos do seu uso.
- Achegar modelos de referencia para os procesos educativos orientados á prevención en saúde.
Ás xornadas asistiron arredor de 23 participantes, a maior parte deles con experiencia asociativa e formación previa en Mediación xuvenil. Durante os dous días que durou a formación, creouse un espacio de reflexión e intercambio de opinións sobre o consumo de drogas dos mozos/as na sociedade actual, e o papel que como mediadores podemos desenvolver. O grupo foi moi participativo e implicouse en todo momento nas actividades suscitadas, xerando debate e consultando as dúbidas que ían xurdindo.
Poden ampliar información sobre estas xornadas preme na seguinte ligazón:
http://cxg.org/comunicacion/axenda.php?id=2011-12-15&lg=gal#ax389